Numerologiyaya görə, bəzi doğum tarixlərində dünyaya gələn insanlar güclü intuisiya və müşahidə qabiliyyəti ilə seçilir. Onların verdiyi məsləhət və xəbərdarlıqların zaman keçdikcə gerçəkləşdiyi iddia olunur.

HİT.az xəbər verir ki, söhbət əsasən 2, 7 və 8 rəqəmləri ilə əlaqələndirilən insanlardan gedir. Numerologiyada bu rəqəmlər intuisiya, özünü dərk etmə, müşahidəçilik, məsuliyyət və həyat təcrübəsi ilə əlaqələndirilir.

2 rəqəmi Ayın təsiri ilə əlaqələndirilir və həssaslıq, empatiya və intuisiya simvolu hesab olunur. Numeroloqlar belə insanların qarşılarındakı şəxsin nə düşündüyünü və ya hiss etdiyini daha tez sezə bildiyini düşünürlər. Bu səbəbdən onların söylədiklərinin sonradan doğru çıxması daha çox müşahidə və emosional anlayışla izah edilir.

7 rəqəmi Hindistan numerologiyasında Ketu ilə əlaqələndirilir. Bu rəqəmin özünüdərk, daxili axtarış və mənəvi mövzuları simvolizə etdiyi bildirilir. 7 rəqəmi ilə əlaqələndirilən insanların detallara və hadisələrin gizli tərəflərinə daha çox diqqət yetirdiyi, danışmazdan əvvəl vəziyyəti yaxşı analiz etdiyi iddia olunur.

8 rəqəmi isə Saturn və karma anlayışı ilə əlaqələndirilir. Numerologiyada bu rəqəm intizam, səbir, məsuliyyət və ədaləti ifadə edir. Bu insanların qərar verməzdən əvvəl vəziyyəti təhlil etdiyi və emosiyalardan çox təcrübəyə əsaslandığı düşünülür.

Numeroloqlar hesab edirlər ki, bu insanların sözlərinin “gerçəkləşməsi” onların fövqəltəbii qabiliyyətlərindən deyil, hadisələri diqqətlə müşahidə etmələrindən və güclü intuisiyalarından qaynaqlana bilər. İnsanlar isə sonradan doğru çıxan proqnozları daha yaxşı xatırladıqları üçün belə bir təəssürat yarana bilər.

Samir