Bəzən mobil operatorun təklif etdiyi tariflər abunəçilərin bütün ehtiyaclarını tamamilə ödəməyə bilər. Məsələn, zənglər üçün əlverişli şərtlər internetə olan tələblərdən qismən fərqlənə bilər. Belə hallarda Azercell əsas tarifdən əlavə aylıq internet paketləri  təklif edir.

Paketlərin siyahısı: hansı təklif daha sərfəlidir?

İnternetin həcminə görə təklif edilən paketlər bir-birindən fərqlənir. Onları şərti olaraq bir neçə kateqoriyaya bölmək olar:

• 1GB-dək - 15 və ya 30 gün müddətinə bir neçə paket təklif olunur;

• 10GB-dək – paketin qiyməti 10-15 AZN arasında dəyişir, istifadə müddəti isə bir aydır;

• 50GB-dək - internetdən daim istifadə edənlər üçün ən əlverişli tariflər daxildir.

Azercell-in təklif etdiyi internet paketlər sərfəlidir. Əlavə trafik hər zaman ünsiyyətdə qalmağa və internetdən rahatlıqla yararlanmağa şərait yaradır, xidmət haqqı 1 AZN ilə 30AZN arasında  dəyişir. 

Paketə qoşulma şərtləri: nəyi yadda saxlamaq lazımdır

Aylıq internet paketləri avtomatik yenilənə bilər. Əgər tələb olunan məbləğ hesabda varsa, paket  avtomatik yenilənə bilər. Tarif paketinin aktivləşdirilməsi və deaktiv edilməsi 2525 nömrəsinə mesaj göndərməklə və ya USSD koddan istifadə etməklə mümkündür. Onların məzmunu paketdən asılı olaraq dəyişə bilər.

İnternet paketindən istifadə edərkən aşağıdakı amilləri yadda saxlamalısınız:

•  İnternet paket sorğu göndəriləndən dərhal sonra aktivləşdirilir;

• Balans *100#YES kodu ilə yoxlanılır;

• Aktivləşdirilmə haqqında SMS bildiriş gəldikdən sonra paketdən istifadə etmək olar;

• İnternetdən rouminqdə də yararlanmaq olar.

Telekommunikasiya sahəsi üzrə xidmətləri genişləndirmək imkanı həm fakturalı, həm də fakturasız xətt abunəçiləri üçün mövcuddur. Bununla belə, paketin qalıq trafiki növbəti aya keçmir və istifadə edilmədikdə ləğv olunur. Məhz bu səbəbdən də internetdən orta aylıq istifadənizə uyğun olaraq müvafiq paketi öncədən sifariş edə bilərsiniz.