2026-cı ildə OLED, QLED və Mini LED televizorların populyarlığı artsa da, ənənəvi LED modellər hələ də münasib qiymətə müasir funksiyalar təklif edir. Mütəxəssislər bazarda olan 3 minə yaxın modeli təhlil edərək ən uğurlu LED televizorların beşliyini müəyyənləşdiriblər.
HİT.az xəbər verir ki, LED televizorlar kontrast və qara rənglərin göstərilməsi baxımından OLED modellərindən geri qalır. Lakin gündəlik film və serial izləmək, YouTube və digər yayım xidmətlərindən istifadə, televiziya proqramlarına baxmaq və oyun oynamaq üçün yaxşı LED model kifayət qədər imkanlar təqdim edir.
TCL 55P6K – ən yaxşı seçim
Ekspertlərin əsas seçimi TCL 55P6K olub. 55 düymlük model 4K Ultra HD təsvir, Google TV, HDR, HVA panel və AiPQ Pro prosessoru ilə təchiz edilib.
Televizorda Game Master, ALLM və HDMI 2.1 kimi oyun funksiyaları da var. AiPQ Pro prosessoru süni intellekt vasitəsilə görüntünü real vaxt rejimində emal edərək kəskinlik, rəng, kontrast və hərəkətlərin təsvirini yaxşılaşdırır.
LG 55UA74003LB
LG-nin bu modeli webOS əməliyyat sistemi, 4K Super Upscaling, HDR10 Pro və Filmmaker Mode dəstəyi ilə seçilir. Bundan başqa, VRR və ALLM oyun funksiyaları, həmçinin AirPlay 2 imkanları təqdim edir.
Samsung 50U8092
Samsung həvəskarları üçün 50 düymlük 50U8092 modeli tövsiyə edilir. Televizorda Crystal Processor 4K, HDR, PurColor, Motion Xcelerator, ALLM və VRR funksiyaları var. Model One UI Tizen platformasında işləyir.
Star-Light 50DM7600
Daha münasib qiymət axtaranlar üçün Star-Light 50DM7600 diqqətəlayiq seçimdir. 50 düymlük 4K ekranla təchiz olunan televizor VIDAA Smart TV platformasında işləyir. Üç HDMI, iki USB, Wi-Fi və Ethernet bağlantıları mövcuddur.
SHARP 43GL4260E
Kompakt televizor istəyənlər üçün SHARP 43GL4260E seçilə bilər. 43 düymlük model 4K, HDR10, HLG və Dolby Vision dəstəkləyir. Dörd HDMI, iki USB, Chromecast və Google Assistant funksiyaları da təqdim olunur.
Mütəxəssislər əlavə olaraq METZ 55MUF7000Z modelini də fərqləndiriblər. 55 düymlük 4K televizor Google TV, Dolby Vision, HDR10, Dolby Atmos, ALLM və HDMI 2.1 ilə yanaşı, itirilmiş pultu tapmaq və Bluetooth vasitəsilə eşitmə cihazlarını qoşmaq kimi qeyri-adi imkanlara malikdir.
Ekspertlərin fikrincə, yüksək səviyyəli OLED televizora böyük məbləğ ödəmək istəməyən istifadəçilər üçün müasir LED modellər hələ də kifayət qədər yaxşı seçimdir. Ən balanslı variant kimi isə TCL 55P6K önə çıxır.
Samir
