İDMAN
14:50 / 28.09.2022
1217

Azərbaycanın məşhur veteran futbolçusu Rusiya ordusuna çağırıldı

Azərbaycan millisinin keçmiş futbolçusu Emin Ağayev Rusiya ordusunda xidmət edə bilər.

HİT.az azerisport.com-a istinadən xəbər verir ki, 49 yaşlı futbol veteranı Ukraynayla müharibə ilə əlaqədar səfərbərlik çərçivəsində silahlı qoşunların sıralarına çağırılıb.

Qeydiyyatda olduğu rayon üzrə hərbi komissarlığa yollanan Ağayev zəruri müayinələrdən keçib. Ona lazım gələcəyi vaxt Ukrayna ilə müharibəyə yollanacağı bildirilib.

1992-ci ildə “Neftçi” ilə Azərbaycan çempionu olan müdafiəçi, sonradan Rusiyaya köçüb. Uzun illər oynadığı bu ölkədə vətəndaşlıq alan Ağayev bir neçə mövsüm “Səbail”in məşqçilər korpusunda yer alıb. O, 1994-2005-ci illərdə Azərbaycan millisində 65 oyun keçirib 1 qol vurub.

0