AFFA Avropa çempionu millisində - RƏSMİ

İDMAN
11:47 / 12.06.2024
468

Futbol üzrə Azərbaycan millisinin yeni baş məşqçisi bəlli olub.

Hit.az AFFA-nın rəsmi saytına istinadən xəbər verir ki, bu barədə qərar milli assosiasiyanın onlayn formatda keçirilən iclasında qəbul edilib.

Postuna tanınmış portuqaliyalı mütəxəssis Fernandu Santuşun namizədliyi irəli sürülüb.

Müzakirələr zamanı güclü, rəqabətədavamlı və uğurlu oyun nümayiş etdirən milli komandanın formalaşdırılmasının, eyni zamanda ölkəmizdə uşaq futbolunun inkişafının zəruriliyi qeyd olunub: "Bu xüsusda Fernandu Santuşun dünyanın tanınmış futbol mütəxəssislərindən biri kimi zəngin təcrübəsi, peşəkar fəaliyyəti dövründə qazandığı uğurlar, o cümlədən Portuqaliya yığması ilə Avropa çempionluğu nəzərə alınaraq Azərbaycan milli komandasının baş məşqçisi təyin olunması barədə qərar qəbul edilib.

Prosesin qısa müddətli deyil, müəyyən dövrü əhatə edəcəyi nəzərə alınaraq portuqaliyalı mütəxəssisin qarşısında rəqabətədavamlı komandanın formalaşdırılması və AVRO 2028-in seçmə mərhələsində uğurlu çıxış məqsədi qoyulub", - deyə yazıda vurğulanıb.

Qeyd edək ki, Santuş Portuqaliya millisini ilə Avropa çempionu və Millətlər Liqasının qalibi olub.

0