Ölkə bazarında mövsümlə əlaqədar olaraq qoz qiymətlərində müəyyən dəyişikliklər müşahidə olunur.

Hit.az-ın əməkdaşı bu dəfə qoz qiymətləri ilə maraqlanıb.

Məlum olub ki, son zamanlarda qoza tələbat xeyli artıb. Satıcıların sözlərinə görə, bazarda təklif olunan məhsulların qiyməti onların növündən və keyfiyyətindən birbaşa asılıdır. Hazırda bazarda qabıqlı qozun kiloqramı 3 manat 50 qəpik ilə 5 manat arasında dəyişən qiymətlərlə alıcılara təqdim edilir. Vətəndaşlar büdcələrinə uyğun olaraq müxtəlif ölçülü və çeşidli qoz məhsullarını rahatlıqla əldə edə bilirlər. 

Lakin ev şəraitində təmizləmə işləri ilə məşğul olmaq istəməyənlər üçün qabıqsız qozlar daha üstün seçim hesab olunur. Onların qiyməti isə qabıqlı qozla müqayisədə kifayət qədər bahadır. Alıcılar bazarlarda qabıqsız qozları əsasən 13 manatdan 16 manata qədər dəyişən qiymətlərlə tapa bilərlər. Hətta 18-20 manata da qabıqsız qoz satışları var. 

Məhsulun keyfiyyəti, ləpənin rəngi və bütövlüyü qiymətin formalaşmasında əsas rol oynayan amillər sırasındadır. Eyni zamanda, ləpələrin iriliyi də qiymətə birbaşa təsir göstərən əsas meyarlardan biridir. Bazarda seçilmiş, xüsusi iri və yüksək keyfiyyətə malik qoz ləpələrinin qiyməti daha yuxarı səviyyədədir. Belə çeşidli və premium keyfiyyətli qoz ləpələrinin bir kiloqramı üçün satıcılar on səkkiz-iyirmi manat tələb edirlər. 

Qiymətlərdəki bu fərqliliklər təbii olaraq alıcıların da seçim imkanlarını genişləndirir. Bəzi alıcılar daha ucuz başa gəldiyi üçün qabıqlı qoz almağa üstünlük verirlər. Digər tərəfdən, vaxta qənaət etmək istəyən şəxslər birbaşa qabıqsız ləpələrə yönəlirlər. Ümumiyyətlə, paytaxt bazarlarında məhsul bolluğu müşahidə olunmaqdadır. 

Pərviz