Paytaxt və bölgə bazarlarında mövsümi meyvələrin qiymətlərində dəyişikliklər müşahidə olunur. 

Hit.az-ın əməkdaşı bu dəfə armud qiymətləri ilə maraqlanıb.

İstehlakçıların ən çox üstünlük verdiyi meyvələrdən biri də armuddur. Hazırda satışda olan armudun qiyməti keyfiyyətindən və növündən asılı olaraq fərqlənir. Piştaxtalarda bu meyvənin bir kiloqramı orta hesabla 2 ilə 4 manat arasında təklif edilir. Alıcıların bildirildiyinə görə, bazarlarda ən çox rast gəlinən qiymət aralığı isə 2 manat 50 qəpiklə 3 manat təşkil edir. Satıcılar qiymətlərin məhsulun təzəliyinə və gətirildiyi rayona görə dəyişdiyini bildirirlər. 

Daha iri və xüsusi şəraitdə saxlanılan armud növü nisbətən baha satılır. Adi yerli sortlar isə alıcılara daha münasib qiymətə təqdim olunur. Qiymətlərin belə sabit qalması alıcıların tələbatına da müsbət təsir göstərir. Təsərrüfat sahibləri bu il armud məhsuldarlığının qənaətbəxş olduğunu vurğulayırlar. Məhsulun bol olması bazarda süni qiymət artımının qarşısını alan ana amillərdəndir. 

Mütəxəssislər mövsüm ərzində qiymətlərdə kəskin artımın gözlənilmədiyini bildirirlər. Meyvə-tərəvəz satışı ilə məşğul olan sahibkarlar da mövcud qiymət aralığından razıdırlar. Onların sözlərinə görə, 2 manat 50 qəpik və 3 manatlıq armudlar ən tez satılan məhsullar sırasındadır. 

Pərviz