Bəzi insanlar üçün havaların soyuması, günlərin qısalması və uzun axşamların başlaması heç də əhval-ruhiyyənin pisləşməsi demək deyil. Əksinə, onlar məhz payızın sonu və qış aylarında özlərini daha rahat, enerjili və xoşbəxt hiss edirlər.

HİT.az xəbər verir ki, bu barədə “Parade” jurnalında dərc olunan yazıda astrologiya və numerologiya ilə bağlı şərhlərə yer verilib.

Məqalədə bildirilir ki, doğulduqları aya görə dörd qrup insan soyuq havalarda özlərini daha yaxşı hiss edir. Onlar ev rahatlığını, sakitliyi, uzun axşamları və tələsmədən yaşamağı sevirlər.

Yanvar

Yanvar ayında doğulan insanlar üçün qış yad mövsüm deyil. Onlar sakitliyə, təklikdə vaxt keçirməyə və gündəlik həyatın nisbətən yavaş tempinə üstünlük verirlər. Oğlaq və Dolça bürclərinin nümayəndələri üçün uzun qış axşamları düşünmək, özlərinə vaxt ayırmaq və yaxınları ilə münasibətləri möhkəmləndirmək baxımından əlverişli dövr hesab olunur. Onlar görüşlərin və gündəlik öhdəliklərin azalmasını məhdudiyyət deyil, istirahət imkanı kimi qəbul edirlər.

Oktyabr

Oktyabrda doğulanlar evdə rahat atmosfer yaratmağı və kiçik gündəlik zövqlərdən həzz almağı bacarırlar. Tərəzi və Əqrəb bürclərinin nümayəndələri üçün soyuq mövsüm özlərinə daha çox vaxt ayırmaq imkanı yaradır. Tərəzilər gözəlliyə və harmoniyaya, Əqrəblər isə tənhalığa və yaxın insanlarla dərin emosional bağlara üstünlük verirlər. Onlar üçün sakit bir axşam bəzən səs-küylü məclisdən daha cəlbedici olur.

Noyabr

Noyabrda doğulanlar havaların soyuması ilə gündəlik həyatın yavaşlamasını müsbət qarşılayırlar. Əqrəb və Oxatan bürclərinin nümayəndələri bu dövrdə özlərini daha yaxşı anlamağa, yeni maraqlar kəşf etməyə və yarımçıq qalan məşğuliyyətlərinə qayıtmağa meyilli olurlar. Yaradıcılıqla məşğul olmaq, sevdikləri insanlarla vaxt keçirmək və daxili rahatlıq tapmaq onlar üçün xüsusi əhəmiyyət daşıyır.

Dekabr

Dekabr ayında doğulan insanlar ilin ən soyuq və qaranlıq günlərində belə xoş ovqat yaratmağı bacarırlar. Oxatanlar bu mövsümə nikbinlik və həvəslə yanaşdıqları halda, Oğlaqlar sabitliyə, ənənələrə və ev rahatlığına üstünlük verirlər. Bayramların yaxınlaşması onların ailə ənənələrinə daha çox bağlanmasına, evi bəzəməsinə və doğmaları ilə bir araya gəlməsinə səbəb olur. Onlar üçün qış sadəcə yazın gəlişini gözləmək deyil, xoş xatirələr yaratmaq fürsətidir.

Samir