Ağstafanın Böyük Kəsik kəndindən olan şəhidimiz, 27 ildən sonra Zəngilan şəhərinə şanlı bayrağımızı sancan Vətən Müharibəsi Qəhrəmanı Yusifli Azər Nazim oğlunun ailəsi növbəti dəfə ziyarət olunub. 

HİT.az xəbər verir ki, Ağstafa rayon İcra Hakimiyyətinin başçısı Seymur Orucov rayonun hüquq-mühafizə orqanlarının rəhbərləri, bir sıra məsul şəxslərlə birlikdə şəhidimizin atası və doğmaları ilə görüşüb, onların qayğıları ilə yaxından maraqlanıb. 

Hər bir ağstafalının qürur mənbəyi, fəxri olan Azərin Azərbaycanın ərazi bütövlüyünün bərpa edilməsində xüsusi xidmətlərindən, Vətən müharibəsində göstərdiyi qəhrəmanlıq nümunəsindən, eləcə də ölkəmizdə şəhid ailələrinə göstərilən yüksək dövlət qayğısından geniş bəhs olunub.