Aleksey İsayev "Sumqayıt”ın yeni müqavilə təklifinə hələ də cavab verməyib.
Fanat.Az-ın əldə etdiyi son məlumata görə, 24 yaşlı yarımmüdafiəçi "kimyaçılar”ın sıralarında yerində saymasından məmnun deyil.
Daha ciddi hədəfləri olan klubda, daha yaxşı pula oynamaq istəyən rusiyalı futbolçu istəyini klub rəhbərliyinə də çatdırıb. Onu razı salmağa, "Sumqayıt”da saxlamağa çalışan klub prezidentinin – Riad Rəfiyevin vədləri isə indilik effektsiz alınır.
Qeyd edək ki, Alekseylə "Qarabağ”la yanaşı, Rusiyanın aşağı liqasında çıxış edən 2 klub da maraqlanır.
