TEXNO
22:36 / 23.04.2022
1255

“WhatsApp” qrup zənglərinin imkanlarını genişləndirir

“WhatsApp” tərtibatçıları “iPhone” üçün messencerin qrup zəngləri funksiyasının imkanlarını artırıblar.

Artıq “iPhone” sahibləri “WhatsApp”da 8 deyil, 32 nəfərlə eyni anda danışa biləcəklər.

Messencerin yenilənmiş versiyasında qrup zəngi interfeysinin dizaynı da öncəkindən fərqlənir. Burada istifadəçilərə qalereyada seçilmiş media fayllarına çıxış imkanı da verilib.

Messencerin yeni versiyası artıq “App Store”da mövcuddur. Tezliklə “Android” istifadəçiləri üçün də oxşar yeniləmə təqdim ediləcəyi gözlənilir.

0