Numerologiyaya əsaslanan inanclara görə, doğum tarixi insanın xarakteri və üstünlükləri barədə müəyyən yozumlar təqdim edir. 

HİT.az xəbər verir ki, "Parade" nəşri yay başa çatana qədər hər kəsə doğum gününə uyğun bir fəaliyyət tövsiyə edib.

Qeyd edək ki, astrologiya, numerologiya və oxşar təcrübələr elmi cəhətdən təsdiqlənməyib və bu cür məzmun əyləncə xarakteri daşıyır.

Doğum ayı nəzərə alınmır, yalnız doğulduğunuz gün əsas götürülür.

1, 10, 19 və ya 28-də doğulanlar – Çimərliyə spontan səfər edin

Bu tarixlər Günəşlə əlaqələndirilir. Günəş altında dincəlmək, məsuliyyətlərdən qısa müddətlik uzaqlaşmaq və özünüzə vaxt ayırmaq tövsiyə olunur.

2, 11, 20 və ya 29-da doğulanlar – Dondurma yeyərək görüş keçirin

Ayın təsiri altında olduğu deyilən bu insanlar yaxın münasibətlərə önəm verirlər. Yay bitməzdən əvvəl sevdiyiniz insanla və ya köhnə dostunuzla vaxt keçirmək tövsiyə edilir.

3, 12, 21 və ya 30-da doğulanlar – Hovuz kənarı məclislərinə qatılın

Yupiterlə əlaqələndirilən bu tarixlərdə doğulanların sosiallaşması və yeni insanlarla tanış olması üçün münasib dövr olduğu bildirilir.

4, 13, 22 və ya 31-də doğulanlar – Nəhayət məzuniyyətə çıxın

Çalışqanlığı ilə seçilən bu insanların işdən uzaqlaşıb istirahət etməsi və özlərinə vaxt ayırması tövsiyə olunur.

5, 14 və ya 23-də doğulanlar – Spontan avtomobil səyahətinə çıxın

Merkurinin təsiri altında olduğu deyilən bu insanlar üçün yeni yerlər kəşf etmək və adi mühitdən uzaqlaşmaq faydalı hesab edilir.

6, 15 və ya 24-də doğulanlar – Həyətdə manqal məclisi təşkil edin

Bu tarixlərdə doğulanlara ailə üzvlərini, dostlarını və qonşularını bir araya gətirərək xoş vaxt keçirmək tövsiyə edilir.

7, 16 və ya 25-də doğulanlar – Günbatımını sakitlik içində qarşılayın

Təbiətdə tək qalmaq, düşünmək və daxili rahatlıq tapmaq bu insanlar üçün ən uyğun seçim kimi göstərilir.

8, 17 və ya 26-da doğulanlar – Özünüzü sevindirin

Uzun müddət çalışan insanların özlərinə kiçik hədiyyə alması və ya arzuladığı əşyanı əldə etməsi tövsiyə olunur.

9, 18 və ya 27-də doğulanlar – Tonqal başında axşam keçirin

Yaxınlarınızla və ya təkbaşına tonqal ətrafında vaxt keçirmək, ulduzlu səmanı izləmək və dincəlmək bu tarixlərdə doğulanlar üçün yay mövsümünü yola salmağın ən uyğun yollarından biri kimi təqdim olunur.

Samir