Dünyanın bir çox ölkəsi küçələrin, parkların və magistralların işıqlandırılması üçün milyonlarla kilovat elektrik enerjisi sərf edir və böyük büdcələr ayırır. 

Hit.az bildirir ki, dünyanın ən inkişaf etmiş və ekoloji təmiz ölkələrindən biri olan İslandiya isə bu məsələdə tamamilə fərqli, elmi fantastika filmlərini xatırladan unikal bir üsula keçid edib.

Belə ki, ölkənin şimalındakı bəzi qəsəbə və piyada yollarında ənənəvi dirək lampaları əvəzinə torpağa düzülmüş xüsusi “bioluminescent” (özündən işıq saçan) vulkanik daşlardan istifadə olunur. İlk baxışdan sehrli və ya süni işıqlandırma kimi görünən bu sistemin arxasında təbiət və elmin mükəmməl vəhdəti dayanır.

Bu daşlar necə işləyir?
İslandiyalı mühəndislər və geoloqlar yerli vulkanik lavalardan və xüsusi fotolyuminessent minerallardan istifadə edərək bu unikal materialı yaradıblar. 

Gündüz günəş enerjisini udur 
Daşlar səhər və günorta saatlarında təbii günəş işığını (və ya qütb gecələrində zəif belə olsa ətraf işığı) özündə toplayır. Hava qaralan kimi bu daşlar yumşaq, göz yormayan parlaq yaşıl və ya firuzəyi rəngdə işıq saçmağa başlayır. İşıqlandırma heç bir elektrik kabelinə, batareyaya və ya generatora ehtiyac duyrmadan təbii şəkildə saatlarla davam edir.

Ekoloji və iqtisadi üstünlük verir 
Küçə lampalarının yaratdığı işıq çirkliliyinin qarşısı alınır, təbiətə heç bir zərər dəymir və şəhər büdcəsinə qənaət edilir. İslandiyada qış aylarında günün cəmi bir neçə saat çəkdiyini nəzərə alsaq, bu cür təbii işıqlandırma həm də sürücülər və piyadalar üçün yolu daha təhlükəsiz və estetik edir. Turistlərin də böyük marağına səbəb olan bu layihənin yaxın illərdə digər Skandinaviya ölkələrinə də yayılması planlaşdırılır.

Pərviz