Bakıda karantin qaydalarını pozan restoran aşkarlandı, beş nəfər... - FOTO

ÖLKƏ
11:40 / 10.06.2020
1113

Paytaxtın Binəqədi rayonunda xüsusi karantin rejimi qaydalarına zidd olaraq, müəyyən edilmiş vaxtdan kənar, sosial məsafənin, mövcud preventiv tədbir şərtlərinin pozulması ilə fəaliyyət göstərən restoran aşkarlanıb.

HİT.Az xəbər verir ki, Trend-in məlumatına görə, Binəqədi Rayon Polis İdarəsinin Post Patrul Xidməti və 40-cı Polis Bölməsinin əməkdaşlarının keçirdiyi müvafiq tədbirlər nəticəsində iyunun 9-da Sulutəpə dairəsində “Ailəvi” restoranın icarədarı və müştəriləri inzibati məsuliyyətə cəlb olunublar.

Beş nəfər saxlanılaraq, barələrində qanunvericiliyə uyğun tədbirlər görülüb. İnzibati Xətalar Məcəlləsinin 211-ci maddəsinə müvafiq olaraq, obyektin icarədarı B.Mirzəyev 200, digərləri isə hərəyə 100 manat cərimə olunublar.

0