Gömrük hospitalı fəaliyyətini dayandırır - SƏBƏB

ÖLKƏ
14:14 / 10.06.2020
1778

Azərbaycanda koronavirus infeksiyasına yoluxanların sayı hər gün artmaqdadır.

Qazet.az xəbər verir ki, bu günə qədər 8 191 nəfərdə koronavirus aşkarlanıb. Hazırda isə 3 487 aktiv xəstə müalicəsini xüsusi rejimli xəstəxanalarda davam etdirir.

Xəstə sayının çoxalması isə xəstəxanalara təlabatı artırır.

HİT.Az xəbər verir ki, Gömrük Hospitalından Qazet.az-a verilən məlumata görə, hospital sabahdan etibarən fəaliyyətini dayandıracaq.

“Sabahdan etibarən hospital fəaliyyətini dayandırır. Səbəb isə koronavirusla bağlıdır. Yanlız COVID-19 xəstələrini qəbul edəcəyik”, – deyə hospitaldan bildirilib.

Qazet.az-ın suallarını cavablandıran TƏBİB-in sözçüsü Rəvanə Əliyeva isə bildirib ki, xəstəxanalarla bağlı ölkədə ciddi çatışmazlıq hələ ki, yoxdur.

0