OpenAI şirkəti iOS qacetlərinin ChatGPT çatbot ilə işləməsi üçün rəsmi proqram buraxıb. Proqram tamamilə pulsuzdur və heç bir reklam yoxdur.

HİT.az xəbər verir ki, AI köməkçisinin işləmə prinsipi dəyişməz olaraq qalır - istifadəçi sualını daxil edir və ChatGPT cavab verir. Mobil proqram həmçinin cihazlar arasında mətn söhbətlərini sinxronlaşdırır.

Hələlik mobil ChatGPT yalnız ABŞ-dan olan istifadəçilər tərəfindən sınaqdan keçirilə bilər, lakin şirkət onu yaxın həftələrdə hər kəs üçün əlçatan edəcəyini vəd edir. "Android" cihazları üçün xidmət də tezliklə görünəcək.

Tətbiq mağazalarında, o cümlədən "Google Play"də bir çox saxta ChatGPT tətbiqləri var. Ən yaxşı halda, onlar sadəcə olaraq çatbot veb-interfeysini işə salırlar, lakin eyni zamanda, tez-tez müdaxilə edən reklamları yerləşdirirlər, ən pis halda isə istifadəçiləri zərərli proqram təminatını işə salmağa sövq edirlər.

Samir