Turizm operatoru “Intrepid Travel” 2027-ci il üçün “Not Hot List” adlı yeni siyahısını təqdim edib. Siyahıya 2027-ci ildə daha çox səyahətçini qəbul etməyə hazır olan dünyanın 10 az tanınan istiqaməti daxil edilib.

HİT.az xəbər verir ki, siyahının müəllifləri bildiriblər ki, layihənin məqsədi yalnız az tanınan yerlərin siyahısını təqdim etmək deyil. Əsas məqsəd istiqamət və səyahət formatı seçimlərinə yanaşmanı dəyişmək, insanları turizmin yerli icmalara, iqtisadiyyata və mədəniyyətə real fayda gətirdiyi dünyanın müxtəlif guşələrini kəşf etməyə həvəsləndirməkdir.

Reytinqin liderləri necə seçilib

İlk onluğun seçimi üç əsas meyar əsasında aparılıb. Bu zaman “Intrepid” şirkətinin yerli bələdçilərdən və ekspertlərdən ibarət geniş qlobal şəbəkəsinin təcrübəsi və bilikləri, eləcə də trend proqnozlaşdırılması üzrə ixtisaslaşmış “Globetrender” agentliyinin apardığı müstəqil araşdırmanın məlumatları nəzərə alınıb:

1. Qonşu və ya oxşar istiqamətlərlə müqayisədə aşağı populyarlıq.

2. Həm infrastruktur, həm də yerli sakinlərin münasibəti baxımından turistləri qəbul etməyə hazırlıq.

3. 2027-ci ildə yeniliklər – yeni təşəbbüslərin həyata keçirilməsi, nəqliyyat əlçatanlığının yaxşılaşdırılması, böyük tədbirlərin keçirilməsi, yeni obyektlərin açılması və ya infrastrukturun inkişaf etdirilməsi.

2027-ci ildə ziyarət üçün ən yaxşı 10 az tanınan istiqamət

1. Samburu Milli Qoruğu, Keniya.
2. Mestia şəhəri, Gürcüstan.
3. Şimal yüksəklikləri, İordaniya.
4. Vaythors şəhəri, Kanada.
5. Alonissos adası, Yunanıstan.
6. Dili şəhəri, Şərqi Timor.
7. Pekoye cığırı, Şri-Lanka.
8. Liepaya şəhəri, Latviya.
9. Karretera Austral avtomobil yolu, Çili.
10. Dalsland vilayəti, İsveç.

Samir