Məşhur aktyor və Elməddin Cəfərov Hit.az-ın qonağı olub. 

Ondan əvvəllər eyni mövsümdə 4 serial çəkdiyi halda, son illərdə bunu niyə görə bilmədiyimizi soruşduq. Sənətçi də açıqlamasında bunun əsas səbəbindən bəhs etdi. 

O, yenə də eyni mövsümdə bir çox serial çəkmək üçün bütün avadanlıqlarının olduğunu deyib:
"Bəli, eyni vaxtda 3-4 serial çəkdiyimiz zamanlar çox olub. Hazırda heyətimiz var. Həmçinin, işıq, səs, kamera kimi çəkiliş üçün bütün texniki avadanlıqlarımız var".

Lakin Elməddin Cəfərov maliyyə problemlərinin olduğunu etiraf edib:
"Aydın məsələdir ki, sadəcə maliyyə problemimiz var. Ona görə də yeni seriallar çəkə bilmirik. İnşallah yenidən hər şey düzələr, sponsorlar taparıq. O zaman yenidən seriallar çəkməyə başlayarıq. 

Ümumiyyətlə, biz heç vaxt dövlət hesabına serial çəkməmişik. Həmişə sponsorlara işləmişik. İndi isə bir az sponsor qıtlığı var. Yəni başqa səbəb yoxdur".

Pərviz