Alma əhəmiyyətli miqdarda lif ehtiva edir: kiçik almada 3,5 q, orta ölçülü almada isə 4,2 q lif var ki, bu da gündəlik 28 q normanın təxminən 12,5–15%-nə bərabərdir. Lakin bəzi tərəvəzlər lif miqdarına görə almadan da üstün hesab olunur.

HİT.az xəbər verir ki, “Verywellhealth” yazır.

1. Enginar (artişok)

Lif: 1 orta ölçülü artişokda 6,84 q (gündəlik normanın 24%-i).

Artişok xüsusilə inulin adlı prebiotik liflə zəngindir. Bu maddə bağırsaq sağlamlığını və qan şəkərinin tənzimlənməsini dəstəkləyir. Həmçinin az karbohidratlı olması ilə seçilir və pəhriz saxlayanlar üçün uyğundur.

2. Qara lobya

Lif: yarım stəkan bişmiş qara lobyada 7,6 q (27%).

2 stəkan bişmiş qara lobya gündəlik lif normasını tamamilə keçə bilər. Bundan əlavə, fol turşusu və B qrup vitaminləri ilə də zəngindir.

3. Balqabaq

Lif: 1 stəkan bişmiş balqabaqda 9 q (32%).

Balqabaq həmçinin kalium, A vitamini və B vitaminləri ilə zəngindir.

4. Noxud (yaşıl noxud)

Lif: yarım stəkan bişmiş noxudda 4,4 q (16%).

Az kalorili olub eyni zamanda yaxşı protein mənbəyidir.

5. Şirin kartof (batat)

Lif: 1 stəkan bişmiş batatda 8,2 q (29%).

A vitamini, kalium və B6 vitamini ilə zəngindir və göz, dəri və beyin sağlamlığı üçün faydalıdır.

6. Brokoli

Lif: 1 stəkan bişmiş brokolidə 5,1 q (18%).

Brokoli həmçinin C, K, A vitaminləri, kalsium və antioksidantlarla zəngindir.

Samir