Ali təhsilli şəxslərin payına görə Kanada ilk sırada qərarlaşıb.
Yeniavaz.com xəbər verir ki, bu məlumat İqtisadi Əməkdaşlıq və İnkişaf Təşkilatının (OECD) “Təhsilə baxış 2026” hesabatında və BMT-nin əhali hesablamalarında yer alıb.
Qeyd olunur ki, Kanadada 25-64 yaş aralığında olan insanların 64 faizi kollec və ya universitet təhsilinə malikdir. Çin və Hindistan isə ali təhsilli şəxslərin ümumi sayına görə ilk iki yerdədir. Çində 152,4 milyon nəfər, Hindistanda isə 119,2 milyon nəfər ali təhsilli şəxs var. Çində 25-64 yaş aralığında olan insanların 18 faizi, Hindistanda isə 16 faizi ali təhsillidir.
Tədqiqatda 47 ölkə üzrə 25-64 yaşlı, kollec və ya universitet təhsili olan şəxslərin payı və sayı müqayisə edilib.
Qeyd etdiyimiz kimi Kanada 64 faiz göstərici ilə siyahıya başçılıq edir. Bu, təxminən 13,7 milyon nəfər deməkdir. Ölkənin liderliyində bakalavr dərəcəsindən aşağı səviyyədə təhsil verən kollec sektorunun genişliyi də rol oynayır. Kanadada yetkinlərin 25 faizinin ən yüksək ixtisası iki illik kollec diplomu, 39 faizinin isə bakalavr və ya daha yüksək dərəcədir.
İrlandiya 59 faizlə ikinci, Yaponiya və Cənubi Koreya isə hər biri 58 faizlə üçüncü yeri bölüşür. Böyük Britaniya və Lüksemburqda bu göstərici 55 faizdir.
ABŞ 52 faizlə səkkizinci yerdə qərarlaşıb. Bu göstərici OECD ölkələri üzrə 43 faizlik orta səviyyədən yüksəkdir. Bununla belə, ali təhsilli yetkinlərin ümumi sayına (93 milyon nəfər) görə ABŞ üçüncü yerdədir.
Ümumilikdə, ölkələrin gəlir səviyyəsi yüksəldikcə ali təhsilli yetkinlərin payı da artır. Araşdırmada adambaşına düşən ÜDM-i 35 min dollardan aşağı olan doqquz ölkənin hamısında ali təhsilli yetkinlərin payı 30 faizdən azdır.
Lakin iqtisadi inkişaf səviyyəsi bu göstəricini tam izah etmir. Məsələn, Böyük Britaniyada 25-64 yaşlıların 55 faizi ali təhsillidir, İtaliyada isə bu göstərici 22 faizdir.
Ali təhsilli şəxslərin sayına və 25-64 yaş aralığında olan insanların ümumi sayına olan nisbətinə görə ölkələrin siyahısı:
Kanada – 13,7 milyon nəfər (64%)
İrlandiya – 1,6 milyon nəfər (59%)
Yaponiya – 35,1 milyon nəfər (58%)
Cənubi Koreya – 18 milyon nəfər (58%)
Böyük Britaniya – 19,6 milyon nəfər (55%)
Lüksemburq – 0,2 milyon nəfər (55%)
Avstraliya – 7,6 milyon nəfər (54%)
ABŞ – 93 milyon nəfər (52%)
İsveç – 2,7 milyon nəfər (51%)
İsrail – 2,2 milyon nəfər (51%)
Norveç – 1,5 milyon nəfər (50%)
Litva – 0,8 milyon nəfər (50%)
Belçika – 2,9 milyon nəfər (47%)
Niderland – 4,4 milyon nəfər (46%)
İsveçrə – 2,3 milyon nəfər (46%)
Danimarka – 1,4 milyon nəfər (46%)
Fransa – 14,6 milyon nəfər (45%)
Yeni Zelandiya – 1,2 milyon nəfər (44%)
İslandiya – 0,1 milyon nəfər (44%)
Finlandiya – 1,2 milyon nəfər (43%)
İspaniya – 11,2 milyon nəfər (42%)
Estoniya – 0,3 milyon nəfər (42%)
Latviya – 0,4 milyon nəfər (41%)
Polşa – 8,4 milyon nəfər (40%)
Avstriya – 1,9 milyon nəfər (38%)
Çili – 4,1 milyon nəfər (37%)
Bolqarıstan – 1,3 milyon nəfər (36%)
Almaniya – 15,8 milyon nəfər (35%)
Yunanıstan – 1,8 milyon nəfər (35%)
Sloveniya – 0,4 milyon nəfər (35%)
Portuqaliya – 1,8 milyon nəfər (33%)
Macarıstan – 1,6 milyon nəfər (32%)
Xorvatiya – 0,6 milyon nəfər (31%)
Slovakiya – 0,9 milyon nəfər (30%)
Kolumbiya – 8,6 milyon nəfər (29%)
Çexiya – 1,6 milyon nəfər (29%)
Türkiyə – 13,3 milyon nəfər (28%)
Kosta Rika – 0,8 milyon nəfər (28%)
Argentina – 5,4 milyon nəfər (23%)
Braziliya – 25,9 milyon nəfər (22%)
Meksika – 14,8 milyon nəfər (22%)
İtaliya – 7 milyon nəfər (22%)
Rumıniya – 2 milyon nəfər (19%)
Çin – 152,4 milyon nəfər (18%)
Hindistan – 119,2 milyon nəfər (16%)
İndoneziya – 19 milyon nəfər (13%)
Cənubi Afrika – 2,8 milyon nəfər (8%)
