Yeni nəsil süni intellekt dəstəkli kompüterlərin iş dünyasına təsiri artıq nəzəri yox, ölçülə bilən nəticələrlə özünü göstərir. 

HİT.az xəbər verir ki, son araşdırmalara görə, düzgün qurulmuş sistemlər işçilərə həftədə 16 saatdan çox vaxt qazandıra bilər. Bu isə ildə təxminən 7 həftəlik əlavə vaxt deməkdir.

Tədqiqatlar göstərir ki, süni intellekt ofis işlərində bəzi tapşırıqların icra müddətini orta hesabla 67,1% azaldır. Bəzi hallarda bu göstərici 93%-ə qədər yüksəlir. Məsələn, normalda 15 dəqiqə çəkən rəsmi e-poçtun hazırlanması təxminən 1 dəqiqəyə enir.

Excel üzərində qrafiklərin hazırlanması 73% daha sürətli olur, toplantı qeydlərinin və sənədlərin xülasələşdirilməsi isə hər tapşırıqda orta hesabla 40 saniyə qazandırır. Bu kiçik üstünlüklər toplandıqda həftəlik 16 saatdan çox zaman qənaəti yaranır.

İkinci araşdırma gündəlik iş axınına fokuslanır. Gün ərzində toplanan kiçik vaxt qazancları iş dövrlərini 95 dəqiqədən 61 dəqiqəyə endirərək təxminən 36% ümumi məhsuldarlıq artımı yaradır.

Bu göstərici illik hesablandıqda işçilərə əlavə 7 həftəlik vaxt qazandırır. AMD-nin 50 TOPS həddini aşan prosessorları bu əməliyyatları bulud sistemlərinə ehtiyac olmadan yerli şəkildə icra edir.

AMD Rizen AI prosessorlarının "LM Studio" kimi alətlərlə birbaşa cihaz üzərində işləməsi şirkətlər üçün vacib olan məlumat təhlükəsizliyini gücləndirir. Həssas sənədlərin xarici serverlərə göndərilmədən emalı korporativ təhlükəsizliyi artırır.

E-poçtların xülasələşdirilməsi, görüş qeydlərinin hazırlanması, təqdimatların tərtibi və yazışmaların optimallaşdırılması kimi proseslər saniyələr içində həyata keçirilir. Mütəxəssislər bu texnologiyaları tətbiq etməyən şirkətlərin rəqabətdə geri qala biləcəyi barədə xəbərdarlıq edir.

Samir