Almaniya, Çin, İspaniya və digər ölkələrdən olan beynəlxalq astronomlar qrupu yerdənkənar dünyanın səthində indiyə qədər ölçülən ən güclü küləklərə malik ekzoplanet kəşf ediblər.

Hit.az xəbər verir ki, tədqiqat "Astronomy & Astrophysics" (A&A) elmi jurnalında dərc olunub.

WASP-127b adlanan yeni planet Yerdən 520 işıq ili uzaqlıqda yerləşir. O, Yupiterdən bir qədər böyük olan qaz nəhəngidir, lakin sıxlığına görə kütlə baxımından daha aşağıdır.

Alimlər göy cismini ilk dəfə 2016-cı ildə müşahidə esib, lakin bu yaxınlarda gözlənilməz bir xüsusiyyət aşkar edilib - atmosferdə sürəti saatda 33 min kilometr və ya saniyədə 9 kilometrdən çox olan güclü reaktiv axınlar. Müqayisə üçün qeyd edək ki, Yer atmosferində sürət saniyədə cəmi 343 metrdir.

Günəş sistemində ən sürətli küləklər atmosfer axınlarının saniyədə 500 metr və ya saatda 1800 kilometr sürətlə hərəkət etdiyi Neptunda qeydə alınıb.

Komanda ESO-nun VLT-də CRIRES+ alətindən istifadə edərək WASP-127b-nin hava xəritəsini tərtib edib. Ana ulduzdan gələn işığın planetin yuxarı atmosferindən necə keçdiyini ölçməklə onun tərkibini izləyə bildilər. Nəticələr uzaq dünyanın atmosferində su buxarı və karbonmonoksit molekullarının olduğunu təsdiqləyib.

Gələcəkdə astronomlar müxtəlif növ planetlərdə yerdənkənar küləklərin təbiəti haqqında daha çox məlumat toplamağa ümid edirlər.

Samir