"Real Madrid"in futbolçusu Luka Modriç qışda argentinalı Lionel Messinin çıxış etdiyi "İnter Mayami"yə keçə bilər.

HİT.az xəvər verir ki, bu barədə "Todofichajes" məlumat yayıb.

Modriç mövsümü "Real Madrid"də bitirmək istəyir, lakin daha çox oynamaq üçün fikrini dəyişə bilər.

Modriç 2012-ci ildən "Real Madrid"də çıxış edir. 2022/23 mövsümündə o, Madrid klubunun heyətində bütün yarışlarda 51 oyuna çıxıb, 6 qol vurub və 6 məhsuldar ötürmə edib. "Transfermarkt" xorvatiyalı futbolçunun dəyərini 10 milyon avro qiymətləndirir.

Modriç karyerasına Zaqreb “Dinamo”sunda başlayıb və onunla üçqat Xorvatiya çempionu olub. 2008-2012-ci illərdə London "Tottenhem"ində çıxış edib. Xorvatiya millisi ilə birlikdə Modriç dünya çempionatının gümüş və bürünc mükafatçısı olub.

Samir