Amerikalı psixoloqlar Azusa Pasifik Universitetindən müəyyən ediblər ki, potensial tərəfdaşa qarşı ani nifrət hissi dərin köklənmiş qorxular və şəxsi xüsusiyyətlərlə əlaqəli ola bilər. 

HİT.az xəbər verir ki, araşdırmanın nəticələri "Personality and Individual Differences" (PID) elmi jurnalında dərc edilib.

Ani nifrət hissi kiçik hərəkətlər, məsələn, bir insanın necə yemək yeməsi və ya geyinməsi ilə əlaqədar ola bilər. Alimlər əvvəllər gözlənilməz nifrət hissi yaşayan 125 yetkin iştirakçı ilə təcrübə keçiriblər. Könüllülər "TikTok" videolarında insanların davranışlarını müşahidə edərək nifrət halları haqqında məlumat veriblər.

Nəticələr göstərib ki, qadınlar həm keçmişdə, həm də indiki zamanda daha tez-tez nifrət hissi yaşayırlar. Bundan əlavə, iyrənc hissinə yüksək həssaslığı olan insanlar belə reaksiyalara daha çox meyllidirlər. Şəxsiyyətin narsisistik xüsusiyyətləri isə başqalarının hərəkətlərini nöqsan kimi qəbul etmək ehtimalını artırır.

Tədqiqatçılar hesab edirlər ki, gözlənilməz nifrət hissi tərəfdaşların uyğunsuzluğunu müəyyən etməyə kömək edən təkamül mexanizmi ola bilər.

Məsələn, bir insanın necə yemək yeməsinə qarşı nifrət hissi, ailənin rifahına potensial təhdid ola biləcək düşüncəsiz davranışlara qarşı qorxu ilə əlaqədar ola bilər. Tədqiqatçılar qeyd ediblər ki, bu fenomeni anlamaq insan davranışı və emosiyalarının mexanizmlərini daha yaxşı başa düşməyə kömək edir.

Samir