Bəzən yorğunluq ağır iş və ya yuxusuzluq səbəbindən deyil, illər ərzində fərqinə varmadan eyni reaksiyaları təkrarlamağımızdan qaynaqlanır. Müəyyən vəziyyətlər, insanlar və ya öz vərdişlərimiz düşündüyümüzdən daha çox enerjimizi tükədə bilər.

HİT.az xəbər verir ki, bu barədə “The Times of India” yazıb

Sizi nəyin enerjidən saldığını bilirsinizmi? Numerologiyaya görə, cavab doğum tarixinizdə gizlənə bilər. Hər bir rəqəm müəyyən planetlə əlaqələndirilir və buna görə də emosional tükənmənin özünəməxsus mənbəyinə sahibdir.

1, 10, 19, 28 doğum tarixləri

Sizə Günəş planeti təsir edir. Sizin üçün ən böyük enerji itkisi insanlara hökmranlıq etməyə və hər şeyi nəzarətdə saxlamağa çalışdığınız zaman baş verir. Daha sonra hər şeyin nəzarətinizdən çıxdığını qəfil dərk etməyiniz həddindən artıq narahatlıq və məyusluq yaradır.

2, 11, 20, 29 doğum tarixləri

Sizə Ay təsir edir. Sizin üçün ən böyük enerji itkisi başqalarının mənfi enerjisini öz üzərinizə götürməkdir. Son dərəcə həssas olduğunuz üçün sizi tükəndirən emosional yükü daşımaqda çətinlik çəkirsiniz.

3, 12, 21, 30 doğum tarixləri

Sizə bolluq, inkişaf və böyük gözləntilər planeti olan Yupiter təsir edir.

Sizin üçün ən böyük enerji itkisi reallığın nikbinliyinizə çatmadığı zaman baş verir. İdeyalara və insanlara bütünlüklə bağlanırsınız, nəticə gözləntilərinizdən daha zəif olduqda isə məyusluq keçirirsiniz. Bundan sonra yolunuza davam etmək üçün özünüzdə inamı yenidən bərpa etməli olursunuz.

4, 13, 22, 31 doğum tarixləri

Sizə Rahu təsir edir. Bu insanlar təbiət etibarilə üsyankar olurlar və başqalarını qorxutmağa çalışırlar. İnsanlara nəzarət etmək cəhdləri uğursuz olduqda isə bu, onların enerjisini tükəndirir.

5, 14, 23 doğum tarixləri

Sizə Merkuri təsir edir. Bu insanlar azadlıq əldə edə bilmədikdə enerjilərini itirirlər. Onları heç kimin idarə edə bilməyəcəyini düşündükləri üçün məyus olurlar və başqaları onları məhdudlaşdırmağa çalışdıqda qəzəblənirlər.

6, 15, 24 doğum tarixləri

Sizə Venera planeti təsir edir. Bu insanlar üçün enerjini ən çox tükədən amil həddindən artıq qayğı və himayədarlıqdır. Qarşı tərəfdən eyni münasibəti görmədikdə özlərini çox incik hiss edirlər.

7, 16, 25 doğum tarixləri

Sizə Ketu planeti təsir edir. Bu insanlar üçün həddindən artıq sükut və uzaqlaşma enerji itkisinə səbəb ola bilər.

Onlar yaxın insanların əsl simasını gördükdə emosional ağırlıq hiss edə bilərlər. Bəzən isə dərin düşüncələrə dalmaları özləri üçün ağır yükə çevrilir.

8, 17, 26 doğum tarixləri

Sizə Saturn təsir edir. Bu insanlar arzularının ardınca daim getsələr də, onlara nail ola bilmədikdə böyük enerji itkisi yaşayırlar. Bu isə məyusluq və tükənməyə, nəticədə həyatda demək olar ki, təslim olmaq həddinə gətirib çıxara bilər.

9, 18, 27 doğum tarixləri

Sizə Mars planeti təsir edir. Bu insanlar üçün enerji itkisinə səbəb olan əsas amil öz aqressiyalarıdır. Marsın təsiri ilə onsuz da daha aqressiv olduqları bildirilir. Buna görə də hər dəfə kiməsə qəzəbləndikdə enerjiləri tükənir və sonradan özlərini incik hiss edirlər.

Samir