Numerologiyada insanın doğulduğu günün rəqəmlərinin onun xarakterinə birbaşa təsir etdiyi düşünülür. 

HİT.az xəbər verir ki, "Parade" nəşri bu yanaşmaya əsaslanaraq ən mehriban qəlbə sahib olduğu hesab edilən insanların doğum tarixlərini təqdim edib.

Numeroloqların fikrincə, xeyirxahlıq hər bir insanın qəlbində var. Lakin bəzi insanların taleyin istənilən sınağı qarşısında təmənnasızlığını və mərhəmətini qoruduğu düşünülür.

2-də doğulanlar

Belə insanların təbii xeyirxahlığa, mülayimliyə və yüksək emosional intellektə malik olduğu düşünülür. Onlar ətrafdakı insanların əhvalını və emosional vəziyyətini həssaslıqla hiss edə bilirlər.

Həssaslıqları səbəbindən bu insanlar başqalarına dəstək olmaq üçün çox vaxt öz maraqlarını ikinci plana keçirirlər. Yanlarında olan və köməyə ehtiyacı olan hər kəsi dinləyib ruhlandırmadan rahatlıq tapa bilmirlər.

9-da doğulanlar

Numerologiyada 9 rəqəmi həyat təcrübəsinin və tamamlanmanın simvolu hesab olunur. Ayın 9-da doğulan insanların dünyaya daha dərindən baxdığı və hadisələri yalnız ağ və qara rənglərdə qiymətləndirmədiyi düşünülür.

Həyatın mürəkkəb olduğunu və hər kəsin çətin vəziyyətə düşə biləcəyini anlayan bu insanlar başqalarını mühakimə etməməyə çalışırlar. Əvəzində ehtiyacı olanlara yardım əlini uzatdıqları bildirilir.

27-də doğulanlar

Bu tarixdə 2 rəqəminin həssaslığı ilə 7 rəqəminin düşüncəliliyi birləşir. Belə insanların həyatlarında ciddi çətinliklərlə qarşılaşa və ya yaxınlarının əzablarına şahid ola biləcəyi düşünülür.

Lakin sınaqların onları qəddar və ya təkəbbürlü etmədiyi qeyd olunur. Onlar güclü mənəvi dəyərlərini qoruyur, yaşadıqları çətinliklər isə başqalarının ağrısına qarşı mərhəmətlərini daha da gücləndirir.

29-da doğulanlar

Bu tarix 2 rəqəminin empatiyasını və 9 rəqəminin açıqlığını özündə birləşdirir. Ayın 29-da doğulan insanların öz yolları ilə inamla irəlilədiyi, lakin başqalarının seçimlərini və səhvlərini mühakimə etmədiyi düşünülür.

Onlar insanın hansı səbəbdən doğru yoldan uzaqlaşa biləcəyini intuitiv şəkildə anlaya bilirlər. Buna görə də kin saxlamır, öz davranışları və işıqlı dünyagörüşləri ilə ətrafındakı insanları daha yaxşı olmağa ruhlandırırlar.

Samir