ÖLKƏ
20:03 / 22.01.2022
224

Gözəllik salonlarında xanımlara narkotik vasitə təklif edilir? - AÇIQLAMA

Gözəllik salonlarında narkotik vasitələrin satışı ilə bağlı daxil olan məlumatların heç biri öz təsdiqini tapmayıb.

Bu barədə DİN-in mətbuat xidmətinin əməkdaşı, polis mayoru Anar Qafarov AzTV-nin efirində yayımlanan “Gəncsən” verilişində çıxışı zamanı deyib.

O bildirib ki, tərəfimizdən daxil olan məlumatlar əsasənda əməliyyat tədbirləri həyata keçirilib:

“Hər hansı gözllik salonunda xanımlara narkotik vasitələrin təklif olunması ilə bağlı bu günə qədər yoxdur. Hələ ki, bu fakta rast gəlinməyib. Daxil olan məlumatlar mütəmadi yoxlanılır”.

Eyni zamanda ölkə daxilində narkotik vasitə hazırlanan laboratoriyaların olduğuna dair iddiaların da yayıldığını deyən A.Qafarov bunu da həqiqəti əks etdirmədiyini diqqətə çatdırıb:

“Ötən il məlumat yayılmışdı ki, xaricdən gəlib burada narkotik istehsal edirdilər. Araşdırmalar aparıldı və bu kimi məlumatların həqiqəti əks etdirmədiyi sübuta yetirildi”.

0
Oxu.az