Gürcüstanla Azərbaycan arasındakı "Qırmızı Körpü" sərhəd-keçid məntəqəsində Gürcüstandan Azərbaycana keçməyi gözləyən yük avtomobillərinin uzun növbəsi yaranıb.

Sürücülərin sözlərinə görə, onlar günlərdir yoldadırlar və sərhədi keçmək üçün hələ ən azı 4-5 gün gözləməli olacaqlar.

Qaynarinfo xəbər verir ki, bu barədə Baku TV-nin videomaterialında deyilir.

Yaranmış vəziyyət TIR sürücüləri üçün ciddi çətinliklər yaradıb. Sürücülər mövcud vəziyyətlə bağlı jurnalistlərə açıqlama veriblər.

Sürücülərdən biri bildirib:

"Burada böyük növbədə qalmışıq. Avtomobillərimizə Türkiyədən toyuq əti yüklənib. Sənədlərimiz var, yanacağımız da bitmək üzrədir. İrəli hərəkət etmək istədikdə polis bizi geri qaytardı, sənədlərimizə də baxılmadı".

<iframe width="560" height="315" src="//www.youtube.com/embed/r595XNdVDWY?si=8t64lkajh6GCO3mT" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>