Milli mətbəximizin nə qədər zəngin olduğu dünyaya bəllidir. Bunu Azərbaycanın qonağı olan, bu təamlardan dadan hər kəs təsdiq edə bilər.
Kulinarlar deyirlər ki, mətbəximizdə 5 min çeşid yemək var. Bəs maraqlıdır, ən çox sifariş edilən milli yeməklərimiz hansılardır?
Baku TV-nin mövzu ilə bağlı paytaxt sakinləri və turistlər arasında apardığı sorğuya əsasən, yerli sakinlər plov və kababı daha çox sevirlər.
"Qışda buğlama, cız-bız, kabablar, yayda manqal salatı, pomidor, kələm dolmasına üstünlük veririk", - deyə sakinlərdən biri söyləyib.
Əcnəbilərin çoxu isə Azərbaycan mətbəxində ən çox dolmanı sevdiyini deyir.
"Azərbaycan yeməklərini sevirəm. Dolma, plov çox dadlıdır. 4 gün də buradayam, başqa yeməkləri də kəşf edəcəyəm", - deyə turistlərdən biri qeyd edib.
Ətraflı süjetdə:
