Avropa Yenidənqurma və İnkişaf Bankı (AYİB) gələn il Ukraynanın infrastrukturunu və iqtisadiyyatını dəstəkləmək üçün daha 1,5 milyard avro ayırmağı planlaşdırır.
HİT.az xəbər verir ki, bu barədə “The Guardian” bankdakı yüksək vəzifəli mənbəyə istinadən məlumat yayıb.
Qeyd olunur ki, bu vəsait AYİB-in 2022 və 2023-cü ilin qalan hissəsi üçün nəzərdə tutduğu 3 milyard avroya əlavə olaraq ayrılacaq.
Ötən il bank Ukraynanın qaz və dəmir yolu şəbəkələrinin bərpasına 1,7 milyard avro ayırıb. AYİB həmçinin Ukraynaya dövlət qulluqçularının maaşlarını ödəməkdə və iqtisadiyyatın keçən fevral ayında Rusiyanın işğalından sonra bərpa olunmasını təmin etmək üçün kiçik və orta müəssisələrə kreditlər verməkdə kömək edir.
“Ukrayna iqtisadiyyatının çox sabit olduğu ortaya çıxdı. Hər şey qaydasında işləyir. Banklar fəaliyyət göstərir, banklardan kütləvi şəkildə vəsait axını olmayıb", deyə bankın prezidenti Odil Renaud-Basso bildirib.
Dünya Bankının hesablamalarına görə, 2023-cü ildə Ukraynanın yenidən qurulması və bərpasına kritik və prioritet investisiyalar üçün 11 milyard avro lazım olacaq.
Samir
