Macarıstan ölkənin NATO-nun Ukraynadakı əməliyyatlarında iştirak etməməsinin səbəbini açıqlayıb

NATO Ukraynada missiyaya başlayarsa, Macarıstan oradakı hərbçilərə hücum edilərsə, NATO Müqaviləsinin 5-ci maddəsinə əsasən hərbi cavab tədbirləri görməyəcək. 

HİT.az xəbər verir ki, bu sözləri "RİA Novosti"yə açıqlamasında Macarıstanın baş nazirinin administrasiyasının rəhbəri Qergeli Qulyas deyib.

Onun fikrincə, əgər münaqişə tərəfləri yaxın vaxtlarda sülh müqaviləsi bağlamasalar, Alyansın Ukraynadakı sülhməramlı missiyası çərçivəsində NATO qoşunları Ukraynanın qərb bölgələrində peyda olacaq.

Qulyas hesab edir ki, Rusiya Federasiyası irəliləsə, NATO hərbi planları artıq ictimaiyyətə açıqlanacaq.

Prezident administrasiyasının rəhbəri vurğulayıb ki, əgər Alyansdan kənar belə bir missiya hücuma məruz qalarsa, o zaman Macarıstan NATO Müqaviləsinin 5-ci maddəsinə uyğun olaraq müttəfiqlərə hərbi yardım göstərməli olmayacaq.

Şimali Atlantika Alyansı Müqaviləsinin 5-ci maddəsində deyilir ki, blokun dövlətlərindən birinə hücum olarsa, təşkilata üzv olan bütün digər ölkələr təcavüz aktına kollektiv şəkildə cavab verəcəklər.

Bundan bir qədər əvvəl Macarıstan Xarici İşlər Nazirliyinin rəhbəri Peter Siyarto ölkənin NATO-nun Ukraynadakı mümkün hərbi əməliyyatlarında iştirakdan imtina etməsini şərh edib. Onun sözlərinə görə, Macarıstan NATO-nu Rusiya ilə birbaşa toqquşmaya yaxınlaşdırmamağa çalışır, bunun üçün mümkün olan hər şeyi etmək lazımdır.

Samir