Birləşmiş Ştatlar Ukrayna Silahlı Qüvvələrinin Kursk bölgəsini ələ keçirməsindən sonra Ukraynada vəziyyətin nəzərəçarpacaq dərəcədə gərginləşəcəyini gözləmir. 

HİT.az xəbər verir ki, bu barədə “The Wall Street Journal” Ağ Ev administrasiyasındakı köməkçilərinə istinadən yazır.

Nəşr qeyd edir ki, Ağ Evdə eskalasiya qorxusu o qədər də artmayıb və onlar regional döyüşlərin Ukraynadakı döyüşlərə bənzəyəcəyini gözləyirlər.

Ancaq rəsmilər arasında bu məsələdə konsensus yoxdur. WSJ jurnalistlərinin danışdıqları bir sıra Amerika rəsmiləri Rusiya ərazisinə hücumun Rusiya Federasiyasının "qorxulu cavabına" səbəb ola biləcəyindən ehtiyat etdiklərini bildiriblər.

Avqustun 6-da Rusiyanın Telegram kanalları müharibəyönlü nəşrlərə istinadən sərhəd döyüşləri haqqında yazmağa başlayıb. O da qeyd olunub ki, ukraynalı hərbçilər Kursk vilayəti ərazisinə daxil olublar. Ukrayna ordusu bu məsələ ilə bağlı rəsmi açıqlama verməyib.

ABŞ əməliyyatın məqsəd və strategiyasını anlamaq üçün Kursk bölgəsində baş verənlərlə bağlı Ukrayna tərəfi ilə əlaqə saxladığını bildirib. Çin Kursk bölgəsindəki vəziyyətə reaksiya verib və bütün tərəfləri münaqişənin gərginliyini azaltmağa çağırıb.

Samir