"Ukrayna Silahlı Qüvvələrinin Kursk bölgəsinə hücumu Rusiya hərbçiləri və Kreml üçün şok olub".

HİT.az xəbər verir ki, bunu mənbələrə istinadən "The Moscow Times" yazıb.

Nəşrin Kremldəki mənbələrinə görə, Rusiya rəhbərliyi Ukrayna qoşunlarının 100 kvadrat kilometrdən çox ərazini ələ keçirməyə və bu qədər əsgəri əsir götürməyə cəsarət edib bacara biləcəyini ağlasığmaz hesab edib. Ukrayna Silahlı Qüvvələrinin hücumundan sonra Putin təhlükəsizlik və hərbi aparatdakı reputasiyası ilə bağlı narahatlıqlar da daxil olmaqla, əsəbiləşib.

"Bu, prezidentin üzünə sərt sillədir", deyən bir məmur əlavə edib: "Ordu düşməni geri çəkə bilmədi. Rusiya regionu və əhalisi üçün təhlükə var. Bu, qələbəsinə arxayın olan ölkənin davranışı deyil".

Putini uzun illər şəxsən tanıyan mənbələr "The Moscow Times"a bildiriblər ki, ictimai çıxışlar zamanı prezident açıq-aşkar narazı və qıcıqlanmış görünür.

"Lider bu gün pis əhval-ruhiyyədə idi. O, yəqin ki, 2022-ci ilin payızında Rusiya ordusunun Xersondan məcburi çıxarılmasından sonra belə görünməyib", deyə Kreml əməkdaşlarından biri bildirib.

Kremlin özündə də bu situasiya qorxu ilə müzakirə edilir. Bir dövlət məmuru bunu açıq şəkildə ifadə edib:

"Sərhəd qoşunlarımız mühasirəyə alınıb. Çağırışçılar əsir götürülüb. Ukraynanın irəliləməsinin dərinliyinin məhdud olduğu aydındır. Buna baxmayaraq, baş verənlər reputasiyamız üçün çox xoşagəlməzdir".

Samir