2024-cü ilin payızında Melaniya Tramp öz memuarlarını nəşr etdirib. İndi isə onun haqqında sənədli filmin çəkilişləri başlayıb. 

HİT.az xəbər verir ki, "Prime Video" platforması bu layihə ilə bağlı "pərdəarxası misilsiz bir baxış" təqdim etməyi planlaşdırır. 

Filmdə Melaniya Tramp icraçı prodüser kimi iştirak edir və ekran əsərinin 2025-ci ilin ikinci yarısında yayımlanması gözlənilir.

Filmin yayım hüquqları "Amazon" tərəfindən əldə edilib. Şirkətin qurucusu Ceff Bezos ABŞ-ın keçmiş və gələcək prezidenti ilə bağlı müsbət fikirlər səsləndirərək, onun "fövqəladə siyasi geri dönüşünü" alqışlayıb.

BILD jurnalistinin fikrincə, "Amazon" "Prime Video" bu layihə ilə reytinq baxımından yüksək nəticələr əldə edəcək. Filmin yaradıcı heyəti layihənin gələcək mərhələləri ilə bağlı daha ətraflı məlumatların təqdim ediləcəyini açıqlayıb.

"Biz bu həqiqətən unikal hekayəni dünya üzrə milyonlarla müştərimizlə bölüşməyi səbirsizliklə gözləyirik. Layihə haqqında daha çox detallar çəkilişlər irəlilədikcə paylaşılacaq", deyə "Prime Video" nümayəndələri bəyan edib.

Samir