Sorğuda iştirak edən Qrenlandiyalıların əksəriyyəti ABŞ-a qoşulmağa üstünlük verib. 

HİT.az xəbər verir ki, bu barədə “The Hill” qəzeti Patriot Polling sorğusuna istinadən yazıb.

Araşdırmaya görə, sorğu iştirakçılarının 57,3%-i Qrenlandiyanın ABŞ-a qoşulmasını bəyənib. 37,4%-i hadisələrin bu inkişafının əleyhinə olub. Respondentlərin daha 5,3%-i bu suala cavab verməkdə çətinlik çəkib.

Araşdırmada qeyd edilir ki, bu, ABŞ-dan kənarda ilk dəfədir ki, sorğu keçirilir. Bu, kiçik Donald Trampın adaya səfəri zamanı da keçirilib.

"The Hill"in yazdığına görə, sorğuda cəmi 416 nəfər iştirak etsə də, bu, belə bir ilkdir və Trampın daha geniş beynəlxalq planlarına dəstək olduğunu göstərir. Eyni zamanda, qəzet Patriot Polling sosioloji xidmətinin şübhəli reytinqini qeyd edir.

Bir gün əvvəl Çinin Taihe İnstitutunun baş elmi işçisi Vanq Zaybanq bildirib ki, ABŞ-ın yeni seçilmiş prezidenti Donald Trampın Qrenlandiya və Panama kanalı ilə bağlı dediyi sözlər Vaşinqtonun dünya səhnəsindəki hegemonluğunun özünü həssas vəziyyətdə tapdığını göstərir. Ekspert hesab edir ki, ABŞ-ın yeni seçilmiş prezidenti və onun ətrafı görürlər ki, onların ölkələrinin hegemonluğu təhlükə altındadır və çoxqütblü dünya tendensiyası artıq dayandırıla bilməz.

Samir