Azərbaycan Texniki Universitetinin (AzTU) professoru, texnika elmləri doktoru, Prezident təqaüdçüsü, Radiotexnika kafedrasının məsləhətçi professoru Ulduz Kəngərli 97 yaşında vəfat edib.
Universitetdən verilən məlumata görə, Ulduz Kəngərli 1961- 2005-cı illərdə Radiotexnika kafedrasının müdiri vəzifəsində çalışıb.
O, 218 elmi məqalənin, 12 müəlliflik şəhadətnaməsinin, 14 dərslik və dərs vəsaitinin, 8 metodiki göstərişin müəllifi olub.
AzTU-nun rəhbərliyi və kollektivi Ulduz Kəngərlinin vəfatından kədərlənir, ailəsinə səbr diləyir. Allah rəhmət eləsin!
