"Rasim müəllimlə hər gün telefonla danışıram. Dünən də zəng vurub səhhətiylə maraqlandım. Şükür Allaha, hər şey yaxşıdır".
HİT.az bakupost.az-a istinadla xəbər verir ki, Əməkdar incəsənət xadimi Baba Vəziroğlu deyib.
O, həkimlərin əməliyyatdan sonra Rasim Balayevə 3 həftəlik müalicə müddəti təyin etdiklərini bildirib:
"Əməliyyatdan sonra Rasim müəllim xəstəxanada bir gün qalıb. Hazırda ev şəraitində müalicələri davam edir. Amma həkimlər deyiblər ki, 3 həftə işə getmək, aktiv həyat tərzi olmaz".
B. Vəziroğlu illərdir ki, aktyorun onurğa sütununda yaranan xəstəlikdən əziyyət çəkdiyini bildirib:
"Getmədiyi həkim qalmamışdı, bir az səhhəti yaxşı olurdu, amma yenə pisləşirdi. Sən demə, vaxt uzandıqca, xəstəlik daha da aqressivləşirmiş. Şükür ki, peşəkar həkim tapdı, əməliyyatı da yaxşı keçdi".