Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən Bakı şəhəri, Xətai rayonu, Sarayevo küçəsi, 26 ünvanına yenidən baxış keçirilib.

Hit.az xəbər verir ki, ğ cari ilin fevral ayında adıçəkilən ərazidə 0.01 hektar sahədə metal konstruksiyaların quraşdırılması müşahidə edilib.

Həmin vaxt müvafiq qurumlar tərəfindən xəbərdarlıq edilərək, konstruksiyanın qismən sökülməsi istiqamətində tədbirlər görülüb.

18 mart 2025-ci il tarixində Bakı Şəhər Memarlıq və Şəhərsalma Baş İdarəsinin əməkdaşları tərəfindən əraziyə yenidən baxış keçirilərək, söküntü prosesinin yekunlaşdırılması təmin edilib.