Bəzi hallarda insultu alkoqol sərxoşluğu ilə qarışdırmaq mümkündür. Lakin ciddi sağlamlıq problemi ilə sadə halsızlığı ayırd etməyə kömək edən bir neçə mühüm əlamət var. 

HİT.az xəbər verir ki, bu barədə Life.ru-ya terapevt və kardioloq Andrey Kondraxin məlumat verib.

“Əsas fərq ondadır ki, alkoqol intoksikasiyasında simptomlar tədricən inkişaf edir və ümumi zəhərlənmə ilə bağlı olur, insultda isə onlar qəfil başlayır və ocaqlı nevroloji xarakter daşıyır”, deyə həkim izah edib.

Onun sözlərinə görə, insult zamanı əlamətlər sürətlə və gözlənilmədən ortaya çıxır, halbuki alkoqol sərxoşluğunda vəziyyət tədricən pisləşir. Alkoqol beyinin funksiyalarını zəiflətdiyi üçün danışıq, koordinasiya və yeriş pozula bilər, lakin insult üçün xarakterik olan üzün bir tərəfinin əyrilməsi adətən olmur.

Həkim bildirib ki, sərxoş insanda simptomlar daha “ümumi və qarışıq” olur, lakin insult zamanı ocaqlı nevroloji pozuntular yaranır: bədənin bir tərəfində qol və ya ayağın işləməməsi, zəiflik və üzün bir tərəfində hərəkətin pozulması kimi əlamətlər görünə bilər.

Samir