“Dəniz Mall” ticarət mərkəzində yerləşən “CineMastercard” kinoteatrında musiqi, üslub və təkrarsız enerji ilə dolu bir axşam baş tutdu. Bu möhtəşəm tədbir dünya səhnəsinin əfsanəsi Maykl Cekson haqqında çəkilmiş, böyük maraqla gözlənilən “Maykl” bioqrafik filminin dünya premyerasından 3 gün öncə keçirilən nümayişinə həsr olunmuşdur.
Tədbir əsl genişmiqyaslı dünyəvi hadisəyə çevrildi və hər detal incəliklə düşünülmüşdü. Kinoteatrın foyesi sənətkarın yaradıcılıq dövrlərindən ilhamlanan üslubda tərtib edilmişdi: zərif dekor, işıq effektləri və şou-biznes ab-havası qonaqlara pop musiqisinin kralının dünyasına səyahət hissi yaradırdı.
Qonaqları səmimi və bayram əhval-ruhiyyəsi qarşılayırdı — dadlı təamlar, müxtəlif içkilər və DJ-in musiqi setləri gecənin ritmini müəyyən edir, onu yüngüllük və parlaq təəssürat gözləntiləri ilə doldururdu.
Proqramın kulminasiyası Maykl Ceksonun məşhur hitləri altında təqdim olunan “A1” rəqs qrupunun möhtəşəm çıxışı oldu. Hərəkətlərin dəqiqliyi, ifaçıların xarizması və səhnənin güclü enerjisi tamaşaçılarda əsl emosiyalar yaratdı. Axşamın parlaq və eyni zamanda təsirli finalı isə əfsanəvi sənətkar obrazında çıxış edən gənc rəqqasın virtuoz nömrəsi oldu — bu çıxış tamaşaçıların xüsusi rəğbətini və alqışını qazandı.
“Maykl” filminin premyeradan öncə nümayişi qonaqların yaddaşında uzun müddət qalacaq parlaq mədəni hadisəyə çevrildi — ilham, musiqi və əfsanə ilə dolu bir axşam kimi.
Qapalı nümayişdə “Mastercard” beynəlxalq ödəniş sistemin “Priceless” təcrübələr çərçivəsində dəvət olunan xüsusi qonaqlar, tanınmış simalar, içtimai xadimlər, jurnalistlər, blogerlər, sahibkarlar və iri təşkilat rəhbərləri iştirak ediblər.
Tədbirin təşkilinə “Dəniz Mall” TM, “7 Gül” gül butiki tərəfindən dekor, “Bakery Street” kulinariyasından furşet və şirniyyatlar, foto və video dəstək — Light in Black kreativ şirkəti, Azərbaycanın ilk orqanik şərab istehsalçısı olan “Meysari” şərabları, “Yogood Baku” təbii və sağlam qida məhsulları, qrim – məşhur stilist Natalya İsmaylova, Red Bull və Coca-Cola dəstək göstəriblər.
Axşam “Maykl” filminin çoxdan gözlənilən nümayişi ilə yekunlaşıb.
“Maykl” filmi sənətkarın yolunu — ailə qrupunun tərkibində səhnəyə ilk addımlarından başlayaraq, dünya miqyasında musiqi və şou-biznes sənayesini dəyişən bir ikonaya çevrilməsinə qədər olan mərhələləri əhatə edir. Filmin rejissoru Antuan Fukua, baş rolu isə Maykl Ceksonun qardaşı oğlu Cafaar Cekson ifa edib ki, bu da ekran əsərinə xüsusi autentiklik və dərinlik qatır. Layihədə həmçinin Kolman Dominqo və Nia Lonq kimi aktyorlar da mühüm obrazları canlandırıblar.
Filmdə yalnız musiqi irsinə deyil, həm də Maykl Ceksonun həyatının pərdəarxası tərəflərinə — onun daxili hisslərinə, yaradıcılıq axtarışlarına və unikal obrazının formalaşmasına təsir edən hadisələrə xüsusi diqqət yetirilir. Tamaşaçıları “Thriller” və “Bad” albomlarından ilhamlanan əfsanəvi səhnə nömrələrinin yenidən canlandırılması, eləcə də sənətkarın həyatından nadir və əvvəllər nümayiş olunmayan məqamlar gözləyir.
Tamaşaçılar “Maykl” filmini “CineMastercard” kinoteatrlar şəbəkəsində orijinal -ingilis dilində, eləcə də rus dilində izləyə biləcəklər. Bundan əlavə, film 4DX və ScreenX formatlarında da təqdim olunur.
