"Ermənistan Qarabağla bağlı sülh danışıqlarına başlamağa hazırdır".

HİT.Az xəbər verir ki, bu sözləri Ermənistanın baş naziri Nikol Paşinyan Yerevanda keçirilən Avrasiya İqtisadi Birliyinin hökumətlərarası şuranın iclasında deyib.

O bildirib ki, münaqişənin sülh yolu ilə həll olunması prinsipinə sadiqdirlər.

"Son bir neçə gündə ATƏT-in həmsədr ölkələrinin prezidentləri və xarici işlər nazirlərinin verdiyi açıqlamalara uyğun olaraq sülh prosesini davam etdirməyə hazırıq", - deyə Paşinyan əlavə edib.