DÜNYA
00:26 / 04.01.2023
907

Ruslan Xasbulatov vəfat etdi

Rusiya Sovet Federativ Sosialist Respublikasının (RSFSR) Ali Sovetinin sonuncu sədri Ruslan Xasbulatov 80 yaşında dünyasını dəyişib.

Siyasətçinin yaxınları onun Bakı vaxtı ilə saat 20:00 radələrində bağ evində dünyasını dəyişdiyini bildiriblər. Onun ölüm səbəbi açıqlanmır.

Ruslan Xasbulatov 1942-ci ildə Qroznıda anadan olub, 1965-ci ildə Moskva Dövlət Universitetini bitirib. Daha sonra 1980-ci ildə iqtisad elmləri doktoru alimlik dərəcəsi almaq üçün dissertasiya müdafiə edib.

Xasbulatov 4 oktyabr 1993-cü ildə sabiq prezident Boris Yeltsinin göstərişi ilə tanklardan atəşə tutulan Rusiya Ali Sovetinin binasının müdafiəsində iştirak edib.

Qeyd edək ki, mərhum bir neçə ay öncə redaksiyamıza müsahibə vermiş və maraqlı açıqlamaları ilə yadda qalmışdı.

0