Sahibkar və "Tesla" şirkətinin baş direktoru İlon Mask ABŞ prezidentliyinə namizəd Donald Trampla müsahibəsindən iqlim parçasını tənqid etdiyi məqalə dərc edən "The Guardian"ı "zibilxana" adlandırıb. 

HİT.az xəbər verir ki, sahibkar bununla bağlı X sosial şəbəkəsində fikirlərini bölüşüb.

"Siz ümumiyyətlə söhbətə qulaq asmısınız? "The Guardian" zibilxanadır... Mənim kiçik dırnağım iqlim problemləri haqqında "Guardian" heyətinin hamısından daha çox bilir", deyə sahibkar yazıb.

Bir gün əvvəl qəzet Mask və Trampın iqlimlə bağlı müzakirələrini “tarixin ən axmaqlığı” adlandırdığı məqalə dərc etmişdi. Nəşr sahibkar və siyasətçinin sözlərinin “faktlardan uzaq” olduğuna inanan ekspertlərin fikrinə istinad edir.

Maskın Trampla müsahibəsi avqustun 13-nə keçən gecə yayımlanıb. X-nin sahibinin sözlərinə görə, onun ABŞ prezidentliyinə namizədlə söhbəti və sosial şəbəkədə sonrakı müzakirələri milyarda yaxın baxış toplayıb.

Samir