Burkina-Faso hökuməti kapitan İbrahim Traorenin rəhbərlik etdiyi atom enerjisi üzrə milli agentlik yaratmaq qərarına gəlib. 

HİT.az xəbər verir ki, bu barədə Burkinaia Xəbər Agentliyi (BİA) məlumat yayıb.

Yeni sənəd Burkina Atom Enerjisi Agentliyinin (BAAE) səlahiyyətləri və işi ilə bağlı əsas müddəaları müəyyən edir.

Traore qeyd edib ki, BAAE-nin yaradılması Burkina Fasonun enerji müstəqilliyinə nail olunmasına töhfə verir, ölkənin sənayeləşməsini təşviq edir və bütün vətəndaşların elektrik enerjisinə çıxışını yaxşılaşdırır.

Bu il iyulun sonunda ölkə hökuməti Burkina-Fasoda atom elektrik stansiyasının tikintisi zamanı işləyəcək Beynəlxalq Atom Enerjisi Agentliyinin (MAQATE) ekspertlərinə və vəzifəli şəxslərinə imtiyaz və immunitetlərin verilməsini nəzərdə tutan qanun layihəsini təsdiqləyib.

BİA-nın məlumatına görə, Burkina Faso 2030-cu ilə qədər artan elektrik tələbatını ödəmək üçün atom elektrik stansiyası tikməyi planlaşdırır və bu tələbatın yaxın illərdə üç dəfə artacağı proqnozlaşdırılır. Jurnalistlər xatırladıblar ki, 2024-cü il martın sonunda Rusiya və Burkina Faso nüvə enerjisindən dinc məqsədlərlə istifadə sahəsində əməkdaşlığın inkişafı üçün yol xəritəsi imzalayıblar.

Samir