Süni intellekt əsaslı xarici dil modelləri arasında siyasi məsələlərdə ən çox qərəzli olduğu iddia edilən sistemlərin reytinqində ChatGPT və "DeepSeek" ilk yerləri tutub.

HİT.az xəbər verir ki, bu barədə “RUSSOFT” Assosiasiyasının İdarə Heyətinin sədri Sergey Votyakov NNS mətbuat mərkəzində çıxışı zamanı bildirib.

Reytinq bir neçə onlarla mürəkkəb siyasi sual əsasında aparılan araşdırma nəticəsində hazırlanıb. Ekspertlər bu sualları müxtəlif dil modellərinə ünvanlayıb və cavabları “Proqnozist” adlı rus göstəricisinə əsasən təhlil ediblər. Bu göstərici “sıfır nöqtə” kimi qəbul edilib və cavabların ondan nə qədər uzaqlaşdığı qərəzlilik dərəcəsini müəyyən edib.

Votyakovun sözlərinə görə, ən yüksək qərəz göstəricisi ChatGPT-də (62,6) qeydə alınıb. Çin istehsalı "DeepSeek" də çox yaxındır: 61,7 — bu da kifayət qədər yüksək göstəricidir.

Onun sözlərinə əsasən, Fransanın “Mistral” modeli ortalama nəticə göstərib, Çin “Qwen” isə əks istiqamətdə daha az sapma nümayiş etdirib. Ekspert qeyd edib ki, bu fərqlər yaxşı və ya pis nəticə kimi deyil, sadəcə müxtəlif “qütbləri” göstərir.

O əlavə edib ki, “Proqnozist” sistemi əvvəl nəzərə alınmayan anomaliyaların qiymətləndirilməsinə imkan verib.

Samir