Yaxın Şərqdə eyni anda fəaliyyət göstərən üç ABŞ zərbə təyyarədaşıyan qrupunda təxminən 15 min hərbi qulluqçu xidmət edir və onların gündəlik qida təminatı olduqca böyük həcmdədir. Şimal-Şərq bölgəsində fəaliyyət göstərən bu qruplarda ekipajların döyüş hazırlığını qorumaq üçün gündəlik 12 mindən çox yumurta hazırlanır. 

HİT.az xəbər verir ki, bu barədə “Wionews” məlumat yayıb.

Məlumata görə, ABŞ Hərbi Dəniz Qüvvələrinə aid “Nimitz” sinifli təyyarədaşıyan gəmilərdə hər bir gəmidə gündə orta hesabla 4 min yumurta istifadə olunur. Bu yüksək göstərici ekipaj üzvlərinin ağır fiziki iş rejimi ilə əlaqələndirilir — hərbçilər növbəli şəkildə 12 saata qədər işləyirlər.

Yumurta yüksək zülal mənbəyi kimi hərbi personalın enerji səviyyəsini qorumaqda əsas qidalardan biri hesab olunur. Gəmilərə ərzaq təminatı xüsusi təchizat gəmiləri vasitəsilə həyata keçirilir və ehtiyac olduqda helikopterlərlə də çatdırılır.

ABŞ Hərbi Dəniz Qüvvələri bildirir ki, düzgün qidalanma yalnız fiziki dözümlülük üçün deyil, həm də uzunmüddətli missiyalar zamanı ekipajın mənəvi vəziyyətinin qorunması üçün mühüm əhəmiyyət daşıyır.

Samir