Əgər insanlıq Günəş sistemindən kənarda digər ulduz sistemlərini araşdırmaq istəyirsə, kosmosda hərəkət sürətini kəskin artırmaq lazım olacaq. Adi raket mühərrikləri ilə ən yaxın ulduz sistemi olan Alfa Sentavra səyahət minlərlə il çəkə bilər. Buna alternativ olaraq, alimlər işığı daha sürətli, ucuz və sabit hərəkət vasitəsi kimi nəzərdən keçirirlər. Bu yanaşma gələcəkdə səyahət müddətini onilliklərə qədər azalda bilər.

HİT.az xəbər verir ki, bu barədə “Gizmodo” yazır.

Texas A&M Universitetinin tədqiqatçıları lazer şüalarının fiziki təmas olmadan çox kiçik mühəndis qurğularını hərəkət etdirmək və idarə etmək üçün istifadə oluna biləcəyini nümayiş etdiriblər.

İşıqla hərəkət ideyası

İşıqdan hərəkət üçün istifadə ideyası yeni deyil. Fotонlar impuls daşıyır və obyektə təsir edərək çox kiçik itələmə qüvvəsi yaradır. Bu prinsip artıq günəş yelkənlərində tətbiq olunur – kosmik aparat günəş işığının təzyiqi ilə hərəkət edir.

Yeni tədqiqat isə bu konsepsiyanı genişləndirərək lazerlər vasitəsilə kosmik aparatların uzaq məsafələrə yönləndirilməsini nəzərdə tutur. Alimlər “metacihazlar” adlandırdıqları mikroskopik qurğular hazırlayıblar. Bunlar insan saçından da nazik materiallardır və üzərində işığın davranışını dəyişən mikroskopik naxışlar yerləşdirilib.

Bu struktur sayəsində lazer şüasının yaratdığı impuls idarə oluna bilir və cihaz üç ölçüdə hərəkət etdirilə bilir.

Texas A&M laboratoriyasının direktoru Şoufen Lan bildirib ki, bu proses stolüstü tennis topunun səthdən sıçramasına bənzəyir: işıq əks olunarkən obyektə kiçik, lakin ölçülə bilən qüvvə ötürür.

Təcrübə və imkanlar

Təcrübə cazibə təsirini azaltmaq üçün maye mühitdə aparılıb ki, hərəkət daha aydın müşahidə olunsun. Mövcud nümunələr çox kiçik olsa da, alimlər texnologiyanın güclü optik enerji ilə böyüdülə biləcəyini düşünürlər.

Bu yanaşma əvvəlki üsullardan fərqli olaraq idarəetməni işığın özündə deyil, birbaşa materialın strukturunda həyata keçirir. Beləliklə, yaranan qüvvə obyektin ölçüsündən deyil, işığın gücündən asılı olur.

Tədqiqatçılar hesab edirlər ki, gələcəkdə bu texnologiya Alfa Sentavra göndəriləcək kosmik missiyalarda istifadə oluna bilər və belə bir aparat ulduz sisteminə təxminən 20 il ərzində çata bilər.

Samir