Bəzi quşlar yuvalarına ilan dərisi əlavə edirlər. 

Hit.az xəbər verir ki, “Times Entertainment”in yazdığına görə, alimlər bunun əslində məntiqi izahı olduğunu müəyyən ediblər.

Qeyd olunur ki, 2025-ci ildə aparılan tədqiqat zamanı elm adamları quşların ilan dərisini yuvalarına əlavə etməklə potensial yırtıcıları yumurtalarından və balalarından uzaqlaşdırmağa çalışdığını aşkar ediblər. Ornitoloqlar bu davranışı ən azı 1800-cü illərdən bəri müşahidə edirlər.

Tədqiqatın baş müəllifi və Kornell Universitetinin quşlar və məməlilər üzrə kuratoru Vanya Rover bildirib ki, yuvada ilan dərisinin olması onu talaya biləcək kiçik məməliləri qorxuda bilər. Onun sözlərinə görə, ilan dərisi balalara təhlükə yaradan canlılar üçün bir təhlükə siqnalı rolunu oynayır.

Alimlər vurğulayıblar ki, bu üsul 100 faiz qoruma təmin etmir. Lakin bu, siçan və ya dələ kimi heyvanların yuvaya hücum etməzdən əvvəl iki dəfə düşünməsinə kifayət edə bilər.

Tədqiqatçılar müəyyən ediblər ki, ən azı 78 növ, 22 fəsiləyə aid quşlar tökülmüş ilan dərisindən yuva tikintisində istifadə edir. Bundan əlavə, bu davranışın müşahidə olunduğu növlərin demək olar ki, hamısı sərçəkimilər dəstəsinə aiddir.

Maraqlı məqam odur ki, bütün quşlar bu strategiyadan eyni dərəcədə istifadə etmir. İlan dərisi istifadə edən yuvaların payı ağac deşiklərində yuva quran növlərdə açıq fincan formalı yuva quranlara nisbətən təxminən 6,5 dəfə daha yüksəkdir.

Samir