Tülkülər son illərdə insanlara daha yaxın ərazilərdə – kəndlərdə, şəhərlərdə və hətta çimərliklərdə daha tez-tez görünür. Bu zaman onlar bəzən olduqca qeyri-adi davranış sərgiləyir, məsələn, rezin başmaqlarla “oynayır” və ya onları oğurlayırlar. 

HİT.az xəbər verir ki, bu barədə teleqraf.ua-ya "WWF-Ukraine"nin “Nadir növlər” istiqamətinin layihə meneceri və zooloq İqor Diki danışıb.

Mütəxəssisin sözlərinə görə, bu davranış vəhşi heyvanların insanlara yaxın mühitə uyğunlaşması ilə bağlıdır və başmaq oğurlamaq tülkülərdə bir növ oyun davranışıdır.

“Bu, sanki bütün tülkülərdə var. Mənim ailəm Vyanada yaşayır, həyət kameralarından video göndəriblər: gecə tülkülər qapının ağzında qoyulan rezin ‘krokus’ları oğurlayıb onlarla oynayırdı, balaca bala itlər kimi. Sonra isə onları təxminən bir kilometr uzağa aparıb yola atırdılar”, deyə Diki bildirib.

Zooloq qeyd edir ki, bu cür “əyləncə” meyli bəzi digər vəhşi heyvanlarda, xüsusilə porsuqda da var. Lakin Azərbaycanda və ümumilikdə bəzi regionlarda onları Avropa ölkələrinə nisbətən daha az görmək olur.

Onun sözlərinə görə, bir çox Avropa ölkələrində heyvanlar təbii yaşayış mühitlərinin azalması səbəbindən artıq şəhər həyatına daha çox uyğunlaşıblar.

“Ərazilərin parçalanması və transformasiyası nəticəsində onların faktiki olaraq başqa seçimi qalmayıb. Avropada vəhşi təbiət bizim gördüyümüz (məsələn, Ukraynada olduğu kimi) formada demək olar ki, qalmayıb”, deyə o əlavə edib.

Qeyd olunur ki, tülkü yırtıcıdır və quduzluq daşıyıcısı ola bilər. Hətta balaca tülkü balaları da təhlükə yarada bilər. Quduzluq beyin sistemini zədələyən ölümcül xəstəlikdir, buna görə vəhşi yırtıcılarla təmasdan çəkinmək lazımdır.

Quduzluğun əlamətlərindən biri qeyri-adi davranış və insanlardan qorxmamaqdır – şəhərlərdə tülkülərdə bunu tez-tez müşahidə etmək olur. Eyni zamanda mütəxəssislər qeyd edir ki, heyvanların insanlara yaxınlaşması çox vaxt aclıq və qida axtarışı ilə də bağlıdır.

Samir