Patoloji yalançılar çox vaxt aldatma məqsədilə – diqqət qazanmaq, şəxsi mənfəət və ya özünü təsdiqləmək üçün eyni dil strategiyalarından istifadə edirlər. Psixoloqların fikrincə, bu cür insanlar gündəlik ünsiyyətdə müəyyən tipik ifadələrlə seçilə bilirlər. 

HİT.az xəbər verir ki, bu barədə “Your Tango” nəşri yazır.

2022-ci ildə aparılan araşdırmaya əsasən, yalanların böyük hissəsi kiçik bir “peşəkar yalançı” qrupunun payına düşür. Mütəxəssislər bu insanlarda ən çox rast gəlinən 10 ifadəni açıqlayıb.

1. “Bunu ümumiyyətlə kim uydura bilər ki?”

Psixoloqlar bildirirlər ki, yalançılar çox vaxt öz yalanlarını inkar etmək üçün onu absurd göstərməyə çalışırlar.

2. “Sən məni tanıyırsan”

Bu ifadə emosional təzyiq vasitəsi kimi istifadə olunur və qarşı tərəfin şübhələrini zəiflətməyə yönəlir.

3. “Mən bunu heç vaxt deməmişəm”

Bu, qazlaytinqin ən yayılmış formalarından biridir. İnsan açıq-aşkar deyilmiş sözləri inkar edərək qarşı tərəfin yaddaşına şübhə yaradır.

4. “Bu o qədər də böyük məsələ deyil”

Xroniki yalançılar öz hərəkətlərinin ciddiliyini azaltmağa çalışırlar.

5. “Mən bunu nəzərdə tutmamışdım”

Yalan üzə çıxdıqda, insan sözlərinin yanlış başa düşüldüyünü iddia edir.

Tədqiqatlara görə, insan nə qədər çox yalan danışırsa, bunu davam etdirmək bir o qədər asanlaşır (Nature Neuroscience jurnalında dərc olunan araşdırma).

6. “Bu həqiqətən baş verib”

Yalançılar tez-tez hekayələrini şişirdir və ya dramatikləşdirirlər, buna görə də daim öz sözlərinin doğruluğunu vurğulayırlar.

7. “Sən mənə təşəkkür etməlisən”

Belə insanlar bəzən özlərini qurban kimi göstərərək qarşı tərəfdən minnətdarlıq gözləyirlər.

8. “Mən elə bunu demək istəyirdim”

Ziddiyyətlər ortaya çıxanda, yalançılar sözlərini düzəltməyə çalışırlar.

9. “Necə istəyirsən elə də”

Aşkar edildikdə laqeydlik nümayiş etdirmək və mövzudan yayınmaq bu tip insanların davranışıdır.

10. “Məni necə sorğu-sual edə bilərsən?”

Yalan üzə çıxanda məsuliyyətdən yayınmaq üçün diqqəti qarşı tərəfə yönəltmək cəhdidir.

Mütəxəssislərin fikrincə, bu ifadələr təkrarlanan davranış nümunələri ilə birlikdə insanın qeyri-səmimi olduğunu göstərə bilər.

Samir